Në emisionin “Kjo është koha” në RTV Ora, Hoxha Ahmed Kalaja tregoi se ç’do të thotë të jesh agjërueshëm në një emision dedikuar Muajit të Madhërishëm të Ramazanit për të gjithë besimtarët mysliman.
“Është mirësi e Zotit që njeriu të jetojë deri në Ramazan. Të jetosh deri në Ramazan do të thotë se Zoti të do fort. Është mirësi e madhe dhe një vlerësim i madh. Një përzgjedhje që Zoti i bën njeriut që të jetojë deri në Ramazan. Mesazhi më i rëndësishëm që ne marrim është se Zoti na do fort.
Po mos na donte nuk do na i mundësonte agjërimin. Ramazani është një mirësi e Zotit, që Zoti po na thotë “ejani robtë e mi ky është shansi, kjo është mundësia, garoni.” Ramazani është një garë që nuk është e rëndësishme të jesh pjesë e garës, por të fitosh garën. Sot jemi në Ramazanin e 1443. Ramazani është Muaji kur Zoti hap dyert e Parajsës, është muaji kur Zoti mbyll dyert e Ferrit.”
Këshilla ime për grupin e parë të cilët kanë një kohë që agjërojnë të ndalen më thellë në urtësitë shpirtërore dhe reflektimet shpirtërore që duhet të japë agjërimi në jetën tonë. Ndërsa të rinjtë do t’i këshilloja që ta marrin qetë-qetë sepse një njeri që fillon praktikon Islamin i jep Zoti një fuqi të paparë dhe ndonjëherë ai do që gjithë fenë ta zbatojë për një muaj ose ta bëjë brenda ditës. Ndërkohë që feja duhet marrë me qetësi dhe butësi.”
Discussion about this post