Dy personazhe të tjera të botës së showbizit shqiptar kanë zbuluar uljet dhe ngritjet në marrëdhënien e tyre. Bëhet fjalë për Dojna Meman dhe Romeo Veshajn, të cilëve si duket shoqëria nuk u ka shkuar vaj.
Këtë e ka zbuluar mbrëmjen e sotme moderatorja teksa ishte e ftuar në ‘Më lër të flas’. Teksa u takua me Romeon ajo tha: “Jemi pajtur nga hera e fundit?”, duke lënë të habitur të gjithë, përfshirë edhe Donaldin i cili pyeti: “Pse çfarë keni patur ju?”
Më pas Dojna zbuloi: “Do tregoj një gjë unë, këtë djalin këtu kushedi sa herë e kam ftuar në FunClub, nuk e ke idenë. Nuk e di pse nuk erdhi. Unë prap të kam xhan.” Ndërkohë, Romeo iu përgjigj me humor: “Në atë atë periudhë kohe unë harrova shqipen dhe nuk doja të lija nam. Po ç’ke se vij te dyshi unë.”
Dojna nuk është e vetmja me të cilën Romeo ka patur hatërmbetje. Ai bashkë me Donaldin duket se kanë prishur raportet edhe me Arbana Osmanin. Fillimisht dy vëlleëzit e hoqën prezantuesen e ‘Big Brother VIP’ nga Instagrami teksa ajo i ndoqi deri para disa ditësh kur vendosi të mos i ndiqte më duke lënë të kuptohet se marrëdhëniet mes tyre nuk u rregulluan.
Vlen të përmendet se gjatë “Post Big Brother VIP” Arbana rrëmbeu vëmendjen e ndjekësve të formatit me deklaratat për Donaldin. E madje edhe ironizoi në një farë mënyre nismën e tij për të ndërtuar katër shtëpi, duke u mbështetur në ironinë e saj edhe nga Arbër Hajdari.
Discussion about this post