‘Jemi pazari i gjësë’, Vasili ‘përplaset’ me Nikollën

Deputeti Petrit Vasili ka debatuar ashpër me kryetaren e Kuvendit Lindita Nikolla.

Vasili theksoi se Kuvendi është kthyer si pazar i gjësë së gjallë, duke kërkuar llogari se përse u përjashtuan parlamentarët opozitarë.

Petrit Vasili: Këta që ju japin urdhër juve, unë nuk do t’ju lë. Pse çfarë është këtu, pazari i gjësë së gjallë. Do bëhet seanca viktimë e frikërave tuaja, kush e mori vendimin moj zonjë? Kush e vendosi? Në rast se juve ju shkepin syrin për këto gjëra, atëherë ky nuk është më parlament, ky është pazari i gjësë së gjallë. Në rast se nuk e kemi ta caktuar e të pasqyruar, ndalojeni seancën sepse i bie që këtu flasim për falsifikim, këtu çfarë nuk është bërë. Janë betuar gjyqtarë te Lana. Na thuaj edhe njëherë se kush e ka marrë këtë vendim

Lindita Nikolla: Edhe njëherë

Petrit Vasili: Edhe njëherë pra na trego se kush e mori këtë vendim, se kjo sallë nuk është e juaja dhe as e pjesës tjetër të sallës.

Lindita Nikolla:Më thoni ju lutem

(Nikolla i mbyll mikrofonin)

Petrit Vasili: Mos e mbyll mikrofonin se është turp

Lindita Nikolla:Ju dëgjova, po flas unë tani. Ju lutem zoti Vasili mos ngrini gjëra të paqena

Petrit Vasili: Është i manipuluar

Lindita Nikolla: Jo, sepse është pasqyrim i qartë i një seance, është pasqyruar kudo në media. Ju sjell në vëmendje nenin që thotë se kur ngrihen pretendime mbi një seancë, është kompetencë e drejtueses së seancës që të vijojë me zbatimin e rregullores. Vijojmë.