“Jemi steka të vjetra ne”, pjesë nga përgjimet e rrjetit të kokainës/ Si funksiononte rrjeti

Të tjera përgjime publikohen nga dosja e të arrestuarve gjatë operacionit “Tempullit” në Tiranë, ku një grup të rinjsh shpërndanin lëndë narkotike, kanabis, heroinë dhe kokainë në zonat më të frekuentuara të kryeqytetit.

Në dosjen e siguruar ekskluzivisht nga gazetarja e Top Channel, Anila Hoxha janë zbardhur përgjimet, ku persona të autorizuar nga prokurori i çështjes, kontaktonin me shpërndarësit dhe siguronin lehtësisht kokainë.

Sipas Prokurorisë, për shitjen e kokainës, ata e siguronin nga lidhjet e tyre shoqërore, e ndanin në doza dhe e mbanin të fshehur brenda banesës së tyre. Dyshohet se bëhet fjalë për sasi të konsiderueshme, të cilën në shumë raste e shisnin edhe në doza të mëdha, në varësi të kërkesave.

Në këtë pjesë të dosjes tregohet se si personi Leo Skufi u shiste kokainë dy personave të tjerë me emrat e koduar “Miri” dhe “Ledi”.

Më datë 24.11.2023 personi me emrin e koduar Miri blen kokainë në Rrugën e Dibrës nga Leo Skufi.

Pjesë nga përgjimet:

(A-Miri, B-Leo Skufi)

A-Për atë erdha na shpija, e kisha me dy menje, po pata pi në Durrës me i shok nja dy, tre viza. Se kisha bo men me pi, sa tët jap vllai?

B-30 është kjo.

A-Prit se mos marr prap më mbrapa.

B-Hë?

A-Se jam me nja katër shokë aty…

B-Avash, avash bjeri telefonit sa herë të dush, sa here të dojë…

Më datë 04.01.2024, rreth orës 22:50, në rrugën “Nazi Meka”, sipas dosjes, personi me emrin e koduar “Ledi” blen kokainë tek Leo Skufi.

Pjesë nga përgjimet:

(A-Ledi, B-Leco Skufi)

A-Fike dritën, fike dritën.

B-Ça bone a u lodhe?

A-A ke fillu pun?

B-Po.

A-Ke filla pun apo e ke të taten taksin?

B-Jo mo e kam të punës.

A-Mirë ja ke bo të paktën justifikohesh.

B-A ke no një qese plasmasi na njo gjë?

A-A e kishe kështu s’e ke bo gati për punë

B-Nuk kuptohet…ke parë kështu ti duke ta peshu në vend

A-Këtu pra në sy, sa të ka shku

B-Asnjë gjë.

A-Po lër pra se jena steka të vjetër ne.

B-Mbylle pak atë perden.

A-Po lëre more ashtu hidhe me sy për mu mos ashu se e di që je korrekt nuk bën hile

B-Nuk bëhet llaf.

A-E di që s’je dallavere por ti ke dalë për punë, pse cca u bë që i fute një vizë mangut as do të ngrej as do të uli tre e tridhjetë aman o burr për mua as mos e …, hiç mos e vrit mendjen.

B-A mir

A-Për mu je i nderum i respektum. /Top Channel/