Një protestues ka bërë apel ndaj efektivëve të policisë që të heqin kapelen dhe të protestojnë për rritjen stratosferike të çmimit të naftës dhe ushqimeve.
Djali dëgjohet teksa i thotë efektivëve por e pengojnë të zhvillohet protesta, ndërsa policia në krahun tjetër me mikrofon i kundërpërgjigjet se do të zbatojnë ligjin. I riu i thotë efektivëve se janë bërë “qenër” duke mbrojtur Edi Ramën.
“A po bëjmë krim, ne po kërkojmë të drejtën tonë, ne nuk jemi këtu për ta bërë këtë vend. Jeni bërë si qen të Edi Ramës, me 450 mijë lekshin që merrni ja u japim ne. Ju ka shtyp qeveria gjithmonë. E keni bërë Shqipërinë si një burg. Ne kemi të drejtën e fjalës, protestojmë për të drejtën tonë, ju jeni kthyer në skllevër të Edi Ramëns, turp për policinë”, dëgjohet teksa flet i riu.
Policia është treguar agresive në protestën e sotme teksa, shoqëroi me forcë në makinë një të ri i cili së bashku me të rinjtë e tjerë protestues tentuan të bllokonin kryqëzimin tek rruga “Myslym Shyri”, pranë Gjykatës së Lartë në Tiranë.
Pasi i hodhën një rrobë në kokë dy policë morën djalin dhe e shoqëruan deri në makinë.
Aty më pas u deshën 4 policë për ta futur forcë brenda në makinë.
Discussion about this post