“Jeni idiotë…!” Qytetari i kthehet Ramës: Super idioti je ti! Tragjasin nuk e ka shuar dot gjermani dhe jo më ta bësh ti (Video)

Kryeministri Edi Rama ka zhvilluar një telefonatë me një qytetar nga fshati Tragjas i Vlorës. Telefonatë kjo e cila ka përfunduar me sharje dhe ofendime nga ana e Kryeministrit. Në fillim të telefonatës, qytetari pyet për projektin e kanalizimeve në fshat dhe shprehet se një investim i tillë është kryer prej 15 vitesh, duke vënë në dyshim premtimet e reja.

Nga ana tjetër, Kryeministri e kundërshtoi menjëherë, duke mohuar që të jetë kryer ndonjë punim. Gjatë telefonatës, Rama humbet durimin dhe nis me sharje dhe ofendime. Pas ofendimeve të Ramës, qytetari ia kthen, duke i thë që më  idiot se Kryeministri nuk ka.

BISEDA:

Qytetari: Kanalizimet, që ju do të bëni Tragjasit, për çfarë funksioni do na interesojë fshati?

Rama:  Kanalizimet që… Për çfarë funksioni do të interesojë? Po se do ta vazhdosh ta lësh shurrën në rrugë po? Nuk të duhen për shurrë, kanali për shurrë, do ta fusësh në kanal, do vazhdosh ta hedhësh në baçe?

Qytetari: Po ato janë bërë. Çfarë, do bësh prapë nga e para?

Rama: Kush, kush janë bërë, cilat?

Rama: Ore je në vete, ore je në vete apo jo? Ore jeni në vete ju mo? Çfarë njerëzish jeni ju? Jeni komplet…

Qytetari: Ore, zoti kryeministër, ato që po thua, ato janë bërë. Do t’i qepësh nga e para, do t’i bësh?

Rama: More zotëri, atje nuk është bërë asgjë. Dëgjon çfarë po të them unë ty? Nuk është bërë asgjë.

Qytetari: 15 vjet janë bërë tubacionet.

Rama: Po çfarë do të të fal kur s’ke… kur flet budallallëqe? Si do të të fal? Po… kam kohë për të humbur me ty të dëgjoj budallallëqe se e di sa budallallëqe kam dëgjuar nga ju këto ditë apo jo? Jam ngopur, e kupton? Se, ju jeni të çmëndur, po unë jam gjysëm të paktën, se kam një gjysëm andej nga ato zonat andej. Po jam gjysëm i çmëndur, ju jeni të çmëndur komplet mo burrë. Ju jeni njerëz komplet out. Po çfarë është kjo, ç’është kjo mënyrë mo? Si jeni kaq të çmëndur, kaq idiotë? Po si, po si mund të, si mund të mendoni…

Qytetari: Zoti kryeministër, më idiot nga ty nuk ka, që të vdesësh një fshat edhe të thuash fshati yt idiot.

Rama: Mos më bërtit mua se nuk i thashë idiot fshatit të Tragjasit, se po flas me ty dhe i thashë dhe vetes time gjysëm i çmëndur.

Qytetari: Tragjasin nuk e ka shuar dot gjermani dhe nuk e shuan dot ti, zoti kryeministër.