Ambasada Amerikane ka bërë sot një thirrje të rëndësishme për të gjithë ata mësues që punojnë në shkolla të mesme dhe duan të provojnë një eksperiencë në SHBA. Përmes një njoftimi në faqen e saj zyrtare, Ambasada ka treguar se të gjithë të interesuarit mund të bëhen pjesë e institucioneve amerikane përmes programit SUSI.
“Jeni mësues apo administrator në shkollë të mesme, në kërkim të një mundësie për të thelluar kuptimin tuaj për shoqërinë, kulturën, vlerat dhe institucionet e Shteteve të Bashkuara të Amerikës? Studimet e Instituteve të Shteteve të Bashkuara të Amerikës për Mësuesit e Shkollave të Mesme (SUSI) janë programe intensive akademike të nivelit pasuniversitar që synojnë të forcojnë kurrikulat dhe të rrisin cilësinë e mësimdhënies mbi Shtetet e Bashkuara në shkollat e mesme dhe institucione të tjera akademike jashtë vendit”, thuhet në njoftim.
Sipas këtij njoftimi, të gjithë të interesuarit duhet të aplikojnë deri me 15 dhjetor dhe nëse përzgjidhen si fitues do të kenë mundësinë që ndjekin leksione dhe praktika në kampuset e universiteteve dhe kolegjeve në SHBA “Rezidencat akademike katër javore do të zhvillohen në kampuset e universiteteve dhe kolegjeve në SHBA dhe do të përbëhen nga një seri e barazpeshuar leksionesh, panelesh, seminare diskutimesh, leximesh, orësh praktike, vizita në terren, takime me praktikues të fushës dhe aktivitete kulturore. Afati për të aplikuar është 15 dhjetor 2021. Mësoni më shumë mbi programin dhe aplikoni sot”, thuhet në njoftim.
Ndër ka publikuar edhe linkun përmes të cilit mund të aplikojnë të gjithë ata që duan të provojnë një eksperiencë të tillë.
E.H/Gijitina.com/
Discussion about this post