Ministria e Punëve të Jashtme të Bullgarisë ka reaguar pas deklaratave të bëra në Bruksel nga kryeministri Edi Rama, pasi kjo e fundit nuk hoqi veton e Maqedonisë së Veriut duke mbajtur peng dy vendet për hapjen e negociatave.
Në deklaratë thuhet se integrimi i Shqipërisë në BE është mbështetur nga Bullgaria edhe më herët kur ka qenë proces më i vështirë se sa sot. Ministra bullgare e konsideron retorikën e përdorur nga kryeministri Rama si të ulët, ndërsa i bën thirrje këtij të fundit që të flasë me gjuhën e një politikani dhe të ruajë një ton të mirë komunikimi.
“Bullgaria ka qenë gjithmonë ndër ato shtete anëtare të BE-së që mbështesin identitetin evropian të popullit shqiptar. U ngritëm për perspektivën europiane të Shqipërisë dhe fillimin e negociatave të anëtarësimit në BE atëherë kur ishte shumë më e vështirë se sot. Gjatë viteve, nuk ka pasur shumë zëra të tjerë me ne në këtë kauzë. Ne ende qëndrojmë për të sot, pavarësisht gjithçkaje, për hir të një të ardhmeje të përbashkët evropiane. Si përgjigje, jo për herë të parë, kemi dëgjuar kualifikime të rënda të pa sfiduara, fyese nga një kryetar qeverie. Bile hedhjet në një regjistër kaq të ulët gjuhësor nuk mund të justifikohen më nga karakteristikat e karakterit de mungesa e aftësive komunikuese evropiane. Presim që kryeministri shqiptar të marrë parasysh mjetet e tij shprehëse në një gjuhë që i përshtatet një politikani nga një vend kandidat për anëtarësim në BE. Në këtë nivel, më shumë se çdo gjë tjetër, ne insistojmë të ruajmë një ton të mirë komunikimi. Në këtë nivel, gjithmonë është dëshmuar nga ana jonë i gjithë respekti që kërkon pozita përgjegjëse dhe niveli i marrëdhënieve ndërshtetërore. Kemi një të ardhme të përbashkët përpara me Shqipërinë. Politikanët po ikin. Kombet po qëndrojnë. Popujt tanë kanë një interes të përbashkët që nuk duhet të pengohet nga gjykimi i keq i një politikani. Është e papranueshme që marrëdhëniet mes vendeve të mbahen peng i ekscentricitetit të kryeministrit aktual shqiptar”, thuhet në deklaratë.
Discussion about this post