Deputeti i Partisë Demokratike, Oerd Bylykbashi e ka cilësuar si anti-kushtetues ligjin për Bashkëqeverisje të cilin presidenti Ilir Meta e ktheu për rishqyrtim. Në Komisionin e Ligjeve, Bylykbashi tha se nuk ekziston në Kushtetutë koncepti i bashkëqeverisjes, por i qeverisjes.
Deputeti i PD tha se qeveria po tenton që me anë të këtij ligji të bëjë palë në keqqeverisje shqiptarët. Bylykbashi thotë se ligji nuk zgjidh korrupsionin, por është instrument kontrolli i kryeministrit.
“Nuk ekziston në Kushtetutë koncepti i bashkëqeverisjes, po ai i qeverisjes. Ju keni marrë një mandat, të vjedhur, masakruar, të maskuar. Tre mandate janë prova pse keni ardhur te ky ligj ju, që do të thotë jeni të paaftë. Koncepti i bashkëqeverisjes nuk ekziston. Ju duhet të jepni llogari me votë, sigurisht që e keni zgjidhur dhe çështjen e votës. Sistemi i patronazhimit, sistemi i mosndëshkimit, përdorimi i çdo resursi shtetëror jua zgjidhi këtë problem ju deri më sot. I bëni palë shqiptarët në keqqeverisje dhe në fund u mbyllin gojën me punë dhe lekë. Kryeministri kur i ka ministra të korruptuar dhe të paaftë i duhet një instrument kontrolli. Nuk mund të na e shisni si arritje”, tha Bylylbashi.
Discussion about this post