Aksioni i pasdites së sotme i ndërmarrë nga IKMT në zonën e Jalës ka vijuar me përplasje e debate mes pronarëve të objekteve dhe inspektorëve. Banorët, të cilët janë njëkohësisht edhe pronarë të këtyre bizneseve që po shemben, kanë pasur konflikte verbale me përfaqësuesit e IKMT.
Nga ajo çka raportohet, banorët pretendojnë se IKMT ka kryer shkelje, ndërsa në anën tjetër sipas përfaqësuesve të Inspektoratit Kombëtar të Mbrojtjes së Territorit, këto godina janë rindërtuar sërish gjatë këtyre viteve, sepse sipas tyre janë shembur një herë.
Sipas banorëve ekziston një vendim i gjykatës së shkallës së parë i cili nuk lejon shembjen e godinave, por IKMT e hedh poshtë.
