Reperi Sean “Diddy” Combs ndau në rrjete sociale një foto të vjetër të tij, ku shfaqet përkrah Jennifer Lopez. Kjo foto është realizuar gjatë kohës që ata të dy ishin bashkë në një lidhje dashurie rreth vitit 1999 dhe përfundoi në shkrut 2001.
“#mbrapa në kohë ”, shkroi 51-vjeçari, në foton e vitit 2000, ku shfaqet duke shtrënguar duart me Lopez.
Postim ka trazuar rrjetin dhe ka marrë vëmendjen maksimale, pasi Jennifer po flitet prej javësh për një ribashkim me Ben Affleck. Askush nuk e priste që pikërisht në këtë moment, Diddy të publikonte një foto kaq romantike me Jennifer. Shumë e kanë komentuar si një mënyrë për t’i tërhequr vëmendjen Jennifer dhe i kanë kërkuar këngëtarit që të luftojë për dashurinë e saj.
Lopez dhe Combs kanë jetuar një histori dashurie nga shtatori i vitit 1999 deri në shkurt 2001. Në të njëjtin vit, Lopez njohu Affleck, ndërkohë që xhironin “Gigli” dhe të dy u fejuan në nëntor të 2002. Gjatë ditës së sotme burime pranë Jennifer Lopez dhe Ben Affleck konfirmuan se ata të dy i kanë dhënë një shans të dytë njëri-tjetrit e se janë shumë të lumtur bashkë.
“Ben dhe Jen nuk po humbin kohë. Në të vërtetë, është sikur koha nuk ka kaluar fare. Janë përsëri në një romancë të nxehtë, po ngrihen aty ku u ndalën. Shanset e dyta janë të rralla për t’u arritur dhe ata e morën një të tillë. Kjo është arsyeja pse ata po ecin më shpejt në raportin e tyre. Ata po e shfrytëzojnë këtë kohë për t’u njohur përsëri”, tha burimi për “In Touch Weekly”.
