Yjet po bëhen gati tashmë për ceremoninë më të madhe të modës, Met Gala 2024.
Është mësuar tashmë që Jennifer Lopez, Zendaya, Bad Bunny dhe Chris Hemsworth do të shërbejnë si organizatorë të ngjarjes më të rëndësishme të modës.
Përpara eventit prestigjioz është organizuar një darkë nga Anna Vintour, ku natyrisht se nuk munguan disa nga yjet kryesore.
JLo si një ikonë e modës dhe stilit edhe këtë herë ka mahnitur me paraqitjen.
Dukja e veçantë e artistes është realizuar nga stilistja e njohur shqiptare, Diana Qerimi.
Ajo u shfaq me një fustan të zi elegant me dekolte të hapur, i cili është i kompletuar edhe me detaje kristali.
Ylli i “Hustlers” e përfundoi ‘look’-un me varëse me diamante shkëlqyese, duke zgjedhur një model flokësh të kapur për të tërhequr vëmendjen tek grimi i saj i përsosur.
Për punën e mrekullueshme, Diana ka marrë reagime të shumta, duke u përgëzuar për një tjetër arritje e sukses.
View this post on Instagram
Discussion about this post