Shtyrja e vizitës në Afrikë dhe njoftimi për një mbledhje të pazakontë të kardinalëve, shtuan dyshimet se Papa Françesku, ishte drejt dorëheqjes.
Mirëpo Papa ka hedhur poshtë fjalët për një dorëheqje, për shkak të gjendjes shëndetësore.
“The Times” shkruan se Papa ka përjashtuar mundësinë e dorëheqjes, pas spekulimeve se ai po planifikon të largohet, pasi ka probleme shëndetësore.
Gjatë një takimi me peshkopët brazilianë në Vatikan, 85-vjeçari ka thënë se do të vazhdojë punën “derisa Zoti ta lejonte”, duke shtuar shkurtër dhe prerë “Dhe kaq”.
Thashethemet për dorëheqjen e Papës u shtuan, kur ai u shfaq duke ndjekur ngjarjet në një karrige me rrota, muajin e kaluar, ku u fol se ai vuante nga një sëmundje e ligamentit të gjurit.
Discussion about this post