Tetë shqiptarë kanë rënë në prangat e Gardës Civile spanjolle pasi akuzohen për trafik droge. Ata dolën ditën e sotme para Gjykatës në Alcañiz, ku është vendosur masa e sigurisë burg pa kusht ndaj tyre.
Ata i përkasin një bande kriminale që kultivonte 11.500 bimë marihuanë të përhapura në plantacione në Castellote dhe Beceite. Plantacioni më i madh në qytetin e Maestrazgo, me gjithsej 10,000 bimë të vendosura në pika të ndryshme të komunës, nga ana tjetër, në Beceite u gjetën edhe 1500 bimë të tjera.
Shqiptarët u ndaluan dy ditë më parë dhe janë pjesë e një bande me 12 anëtarë, me 4 prej tyre që i shpëtuan ndjekjes nga policia dhe vunë në alarm 5 bashki të zonës, pasi autoritetet transmetuan mesazhin se “janë të rrezikshëm”.
Policia spanjolle zbuloi lidhjen midis dy plantacioneve nga trafiku i vazhdueshëm i automjeteve që udhëtonin në mënyrë të dyshimtë midis Castellote dhe Beceite. Garda Civile kreu dy aksione, një në çdo lokalitet, duke arritur të arrestojë 7 persona në Castellote dhe një tjetër në Beceite .
8 të arrestuarit janë burra të kombësisë shqiptare, të moshës nga 30 deri në 50 vjeç, pa precedentë penalë, të cilët jetonin në të njëjtat plantacione në kushte shumë të mjerueshme.
Discussion about this post