‘Jet ski’ i policisë niset të shpëtojë pushuesin, por përplaset me një mjet lundrues

Një aksident ka ndodhur në zonën e Jonufrës në Vlorë. Mësohet se një ‘jet ski’ i policisë është përplasur me një mjet tjetër lundrues, pasi po shkonte drejt një turisti që kërkonte ndihmë. Nga përplasja, një prej pushuesve që ndodhej në ‘jet ski’ ka marrë dëmtime të lehta.

Sot, rreth orës 18:20, pas marrjes së një njoftimi se në zonën e Jonufrës ndodhej një shtetas me kanoe që kërkonte ndihmë, shërbimet e Policisë Kufitare u nisën menjëherë për në vendngjarje.

Gjatë lundrimit drejt vendit të njoftuar, mjeti lundrues tip jet ski i Policisë Kufitare është përfshirë në një përplasje me një tjetër mjet lundrues jet ski ku ndodheshin dy shtetas. Si pasojë, njëri prej tyre (drejtuesi) ka marrë dëmtime të lehta.

Nën drejtimin e Prokurorisë, po kryhen veprimet procedurale, në bashkëpunim me AMP, për zbardhjen e plotë të rrethanave të ngjarjes