Mund t’ju duket habi por vendi ku ju jetoni mund të jetë pjesërisht fajtor për jetëgjatësinë e baterisë së iPhone.
Apple ka zbuluar se si vendndodhja juaj është një nga shumë mënyrat se si mund të ndikojë karikimi i iPhone. Nëse keni mbulim të dobët celular, pajisja juaj iOS do të ketë një shkarkim më të madh të baterisë.
Sa më shumë të punojë iPhone juaj për të gjetur sinjal të mirë, aq më shumë do të vuajë bateria juaj.
Pra, nëse jetoni, punoni ose kaloni shumë kohë diku ku sinjali është i keq ose vjen me ndërprerje, kjo mund të ndikojë në jetëgjatësinë e baterisë. Madje mund të kontrolloni nëse keni marrë një paralajmërim zyrtar nga Apple.
Nëse shkoni te Settings > Battery, do të mund të shihni se si funksionon bateria juaj. Dhe mund të shihni mesazhin: “Pa mbulim celular dhe sinjal të ulët”.
Apple shpjegoi në një njoftim zyrtar mbi jetëgjatësinë e baterisë:
“Kjo tregon ose se jeni në një zonë të dobët të mbulimit dhe pajisja juaj iOS po kërkon një sinjal më të mirë. Ose që e keni përdorur pajisjen tuaj në kushte me sinjal të ulët, gjë që ka ndikuar në jetëgjatësinë e baterisë.”
Fatmirësisht ka shpresë për njerëzit që jetojnë në një zonë me sinjal të keq. Nëse nuk keni nevojë për sinjal celulari në asnjë moment, duhet të kaloni në “Airplane Mode”./SHQIP
Discussion about this post