Të afërmit e viktimave që humbën jetën nga sulmi me armë zjarri, mbrëmjen e djeshme në Gllogjan të Kosovës nuk mund ta përballojnë këtë ngjarje tragjike. Babai i nxënësit të plagosur në tragjedinë e djeshme, ka bërë një postim prekës për të birin dhe bashkëmoshatarët e tij.
Përmes një postimi në Facebook ai shkruan se djali i tij është zgjuar, por që atij i ka dhënë lajmin e kobshëm për vdekjen e shokut dhe shoqes së tij, teksa u ka shprehur ngushëllime familjeve të personave që vdiqën gjatë këtij sulmi me armë.
“Sot djali im u zgjua, por pa shoqen e shokët e tij që ishte ulur në autobus me ta. Më pyeti a kanë shpëtuar, u desh ti them se ata jetojnë në parajsë” shkruan babai i të plagosurit në Gllogjan.
Tre persona, shoferi dhe3 dy nxënës humbën jetën si pasojë e një sulmi me armë drejt autobusit të shkollës mbrëmjen e djeshme. Policia vijon hetimet, ndërsa deri më tani ka bërë e me dije se ka qenë vetëm një person që ka qëlluar. Po ashtu ata përjashtojnë mundësinë e një akti terrorist.
Discussion about this post