Mahmude Çili, e moshës 61 vjeçe dhe banuese në fshatin Velabisht të Beratit, është gruaja e cila u gjend e mbytur mëngjesin e sotëm në ujërat e lumit Osum.
Mësohet se identifikimi i saj në Morgun e Spitalit Rajonal Berat është bërë nga kunati i saj, që ka deklaruar se gruaja jetonte e vetme në një banesë në fshatin Velabisht, pasi bashkëshorti kishte ndërruar jetë disa vite më parë dhe fëmijës jetonin prej vitesh jashtë shtetit.
Kunati i gruas së mbytur ka deklaruar se prej disa muajsh ajo kishte shfaqur probleme të shëndetit mendor dhe se shpeshherë dilte nga shtëpia dhe nuk kthehej me orë të tëra, duke detyruar komshinjtë dhe të afërmit ta kërkonin për ta gjetur e rikthyer në banesë.
Discussion about this post