Presidenti francez, Emmanuel Macron tha të enjten se mbrojtja e civilëve në Gaza “nuk është e negociueshme”, ndërsa ai përuroi një konferencë ndërkombëtare humanitare për Gazën në Paris.
“Civilët duhet të mbrohen, kjo është absolutisht e domosdoshme. Nuk është e negociueshme”, tha Macron, duke shtuar se duhet bërë punë për të arritur një armëpushim.
Në konferencë morën pjesë agjenci të Kombeve të Bashkuara dhe liderë të Bashkimit Evropian. Izraeli nuk mori pjesë.
Presidenti francez kërkoi gjithashtu çlirimin e menjëhershëm të pengjeve të mbajtur në Gaza, “pa kushte”.
Komisioneri i Përgjithshëm i Agjencisë së OKB-së për Ndihmën dhe Punën për Refugjatët Palestinë në Lindjen e Afërt (UNRWA), Philippe Lazzarini, në fjalën e tij hapëse pretendoi se të drejtat ndërkombëtare humanitare “nuk po zbatoheshin” në Gaza, siç citohet nga filiali i CNN, BFMTV.
“Unë isha në Gaza javën e kaluar, duke vizituar një shkollë që strehonte mijëra njerëz,” tha Lazzarini. “Ishte zemërthyer. Fëmijët që dikur mësonin dhe qeshnin në këtë shkollë, sot luten për një copë bukë dhe një gllënjkë ujë.”
Ministri i Shtetit i Zyrës së Jashtme gjermane, Tobias Lindner, përpara konferencës riafirmoi “solidaritetin e palëkundur të vendit të tij me Izraelin”, duke shtuar se “lufta është kundër Hamasit, jo kundër popullsisë civile në Gaza”.
Discussion about this post