Vladimir Vavilov, kryetar i një shoqate bamirësie kundër kancerit që drejton një bujtinë në qytetin e Kazanit, organizoi fëmijët dhe nënat e tyre të rreshtoheshin për të prodhuar letrën.
Shkronja Z është bërë një simbol propagandistik që tregon mbështetjen për presidentin rus Vladimir Putin dhe pushtimin e tij ushtarak të Ukrainës.
Z. Vavilov postoi foton dhe një mbishkrim në faqen e internetit të bujtinës, sipas The Daily Telegraph.
“Pacientët tanë dhe i gjithë ekipi morën pjesë në të, rreth 60 persona në total,” citohet të ketë thënë ai. “Njerëzit u rreshtuan në formën e shkronjës “Z”.
“Në dorën tonë të majtë mbajtëm fletëpalosje me flamujt e LPR, DPR, Rusisë dhe Tatarstanit dhe shtrënguam dorën e djathtë në grusht”.
LPR dhe DPR përfaqësojnë Republikën Popullore të Luhanskut dhe Republikën Popullore të Donetskut – rajone rebele të Ukrainës që zoti Putin i ka njohur si shtete të pavarura.
Discussion about this post