Këngëtarja Semi Jaupaj ishte dje e ftuar në programin “Zemër Luana”. Ajo u përfshi në njërën nga lojërat, ku kryefjalë qe zbulimi i sekreteve. Artistja ka ndarë një të tillë me shikuesit.
Ajo tregoi se ka qenë në një klasë me Xhensila Myrtezajn, ndërkohë që jetojnte afër me Bes Kallakun. Ky i fundit e ka pyetur Semin shumë kohë më parë për vajzën që dashuronte, Xhensilën.
Në lidhje me këtë rast, Semi ka bërë edhe një batutë duke thënë: “Unë bashkoj çifte, jam bërë kupid”.
Duke iu referuar kështu edhe çiftit Bora Zemani dhe Donald Veshaj, në ribashkimin e të cilëve ka pasur shumë gisht Semi Jaupaj.
Semi Jaupaj ka qenë e ftuar në “Goca dhe Gra” ku u pyet edhe për rikthimin e Borës dhe Donaldit. Ajo dukej mjaft e lumtur për dyshen. Mirëpo teksa u pyet nga moderatoret për Borën dhe Donaldin, këngëtarja kishte vetëm dy fjalë për të thënë:
“Nuk dua ta flas më këtë gjë. Thash që është gjë shumë personale dhe çfarë u takon atyre, u takon atyre për të folur dhe jo mua më”.
Kujtojmë që ishte po Semi ajo që postoi një foto me Bora Zemanin dhe Donald Veshajn gjatë pjesëmarrjes së tyre në “Sunny Hill Festival” në Tiranë duke konfirmuar publikisht ribashkimin e tyre në atë kohë.
Discussion about this post