Muaji gusht, zakonisht, pjesa e dytë e këtij muaji, është periudha ku fillojnë zyrtarisht shumica e kampionateve futbollistike kombëtare, me skuadrat që bëjnë përgatitjet e fundit përpara se t’i japin start sezonit.
Në këtë trend, janë dhe skuadrat shqiptare, të cilat, janë duke kryer fazën përgatitore si dhe duke afruar lojtarë në merkato. Avantazhi, i të qenit ende “pushim” jep mundësinë për të zhvilluar ndeshje ndaj kundërshtarëve, të cilët, në kompeticione zyrtare nuk ka mundësi që të hasen, për shumë motive.
Njëra nga ndeshjet që ka entuziasmuar tifozët shqiptarë të futbollit, është Inter-Egnatia, që do të zhvillohet me 13 gusht, në qytetin e Ferraras, Zikaltrit, ndeshen për herë të parë me klubin nga Rrogozhina.
Megjithatë, ky nuk do jetë i vetmi duel italo-shqiptar që do të zhvillohet, këtë muaj, kjo prej faktit se dhe një tjetër ekip i Superiores, ka rënë dakord për të zhvilluar një miqësore ndaj një klubi nga Apeninet.
Dinamo është aktualisht e zhvendosur në Itali aty ku “Blutë” po kryejnë fazën e dytë përgatitore në vigjilje të kampionatit teksa skuadra është vendosur nën urdhrat e trajnerit të sapoardhur, Luigi Di Biagio.
Por, përveç seancave stërvitore te “Nëndetësja” kanë planifikuar të zhvillojnë edhe miqësore në mënyrë që lojtarët të kenë edhe një ide më të qartë në lidhje me atë që kërkon tekniku italian.
https://www.facebook.com/fkdinamo.tirana/posts/678559674310168?ref=embed_post
Kështu, nëpërmjet një njoftimi në faqen zyrtare të klubi, Dinamo bën të ditur se të enjten do të zbresë në fushë për një miqësore me Modenan. Këta të fundit janë pjesë e Serisë B dhe do të jenë një test i rëndësishëm për Dinamon në këtë periudhë para startit të kampionatit që starton më datë 19 gusht.
Discussion about this post