Gazetari amerikan, Steve Herman njoftoi se është konfirmuar takimi mes presidentit të Shteteve të Bashkuara të Amerikës, Joë Biden dhe homologut të tij turk, Rexhep Tajip Erdogan.
Lajmi nga Herman është bërë i ditur përmes një statusi në rrjetin social “Twitter”, teksa zbulon se takimi do të mbahet nesër.
“Një zyrtar i lartë i SHBA-së konfirmon takimin e së dielës të caktuar Joe Biden dhe Tajip Erdogan”, thuhet në postimin e tij.
Javë mëparë mediat e huaja shkruajtën se Erdogan ka akuzuar SHBA-në për mbështetjen e organizatave terroriste, në vend që t’i luftonte ato.
Erdogan gjithashtu, mësohet se u kishte thënë gazetarëve që deri më tani kishte arritur të punonte mirë me ish-liderët amerikanë, por jo me Bidenin.
