Shqipëria dhe Shtetet e Bashkuara të Amerikës shënojnë këtë të premte, 28 korrik 2023, 101–vjetorin e marrëdhënieve diplomatike.
Ambasada amerikane në Tiranë, ka publikuar mesazhin e Presidentit amerikan drejtuar popullit shqiptar, ku uron më shumë vite të tjera miqësie dhe bashkëpunimi me vendin tonë.
“Sot është 101-vjetori i vendosjes zyrtare të marrëdhënieve diplomatike mes Shteteve të Bashkuara dhe Shqipërisë. Lidhjet zyrtare diplomatike mes vendeve tona filluan më 28 korrik 1922, menjëherë pas përfundimit të Konferencës së Paqes në Paris, ku Presidenti i SHBA Wilson qëndroi në krah të popullit shqiptar për pavarësinë dhe sovranitetin e tij. Vitin e kaluar, me rastin e 100-vjetorit të marrëdhënieve diplomatike, ne festuam miqësinë e ngushtë mes dy kombeve tona, duke theksuar aleancën e fortë strategjike mes Shteteve të Bashkuara dhe Shqipërisë. Presidenti i SHBA Joe Biden dërgoi një mesazh të veçantë shprese për bashkëpunim të vazhdueshëm dhe për një të ardhme edhe më të ndritshme për popullin shqiptar. Urojmë për më shumë vite të tjera miqësie dhe bashkëpunimi!”, thuhet ne postim.
Discussion about this post