Kryeministri britanik, Boris Johnson dhe presidenti ukrainas, Volodymyr Zelensky kanë folur ditën e sotme për një fazë të re të ndihmës ushtarake për Ukrainën, duke përfshirë sigurimin e artilerisë së rëndë.
Sipas shefit të stafit të Zelenskyt, Andriy Sybiga, ata folën gjithashtu për mbështetjen e mëtejshme financiare për ukrainën.
Është vënë re se dyshja kanë krijuar një marrëdhënie të shkëlqyeshme gjatë agresionit rus në Ukrainë, ku Zelensky shpesh lavdëron britanikun për ndihmën që po i ofron popullit ukrainas.
Raportohet se Mbretëria e Bashkuar do t’i japë ushtrisë ukrainase automjete të blinduara kundërajrore.
Mbretëria e Bashkuar do të dërgojë automjete Stormer që mund të lëshojnë raketa super të shpejta Starstreak e cila ka aftësi të shkatërrojë aeroplanë dhe helikopterë.
Shtetet e Bashkuara të Amerikës dhe Kanadaja kanë premtuar se brenda këtij muaji do të dërgojnë artileri të rëndë në Ukrainë.
Discussion about this post