Policia e Neshvillit, në Tenesi–SHBA, thotë se legjenda e muzikës rock, John Bon Jovi, i ka shpëtuar jetën një gruaje që po bëhej gati të hidhej nga një urë të martën në mbrëmje.
Sipas autoriteteve, Bon Jovi i mbushi mendjen gruas që të zbriste e të mos hidhej nga ura. “Duhet ndihma e të gjithëve për të ruajtur njëri-tjetrin”, tha drejtori i policisë lokale, John Drake.
Në një video të incidentit të publikuar nga policia e Neshvillit, Bon Jovi shihet teksa po ecën në urë me një grup xhirimi kur sheh gruan buzë urës mbi lumin e qytetit. I shoqëruar nga një person tjetër i paidentifikuar, Bon Jovi duket se i flet gruas dhe e bind të mos hidhet. Më pas, këngëtari shihet teksa e përqafon gruan.
Discussion about this post