Superylli dhe legjenda e NBA, Michael Jordan, i konsideruar si lojtari më i madh në historinë e basketbollit, është në bisedime për të shitur shumicën e aksioneve të tij në ekskluzivitetin e Charlotte Hornets, raportoi ESPN të enjten.
Ish-basketbollisti 60-vjeçar, pronar i skuadrës nga 2010, është angazhuar në “negociatat serioze” me një grup të drejtuar nga biznesmenët Gabe Plotkin dhe Rick Schnall, sipas gazetarit Adrian Wojnarowski.
“Marrëveshja nuk është e afërt, por ka një moment të rëndësishëm përpara një shitjeje që do t’i bënte ata bashkëpronarët e rinj të Hornets,”- shtoi ai.
Jordan, një ish-lojtar i Universitetit në shtetin e Karolinës së Veriut, ku ndodhet Charlotte, do të mbante një pakicë të aksioneve në ekskluzivitet, nëse marrëveshja përfundon, ende sipas ESPN.
Discussion about this post