Modelja shqiptare Jori Delli dhe reperi italian Fred De palma janë një nga çiftet më të ëmbël të showbiz-it. Siç e dimë modelja tashmë e ka prezantuar të dashurin e saj italian me vendlindjen e saj, ndërsa shpesh në rrjete sociale ndan momente gazmore nga përditshmëria me të, pasi tani dyshja kanë nisur bashkëjetesën.
Jori nuk ka nguruar ta njohë edhe me zakonet e ushqimet tradicionale shqiptare të cilat mesa kemi parë i kanë lënë një përshtypje të mirë reperit të njohur italian. Së fundmi modelja ka treguar pak por mjaftueshëm për të ditur se si dhe sa kohë kanë që njihen me njëri-tjetrin.
Në një intervistë virtuale me ndjekësit e saj në Instagram, Jori i përgjigjet një pyetjeje duke thënë se më De Palmën kanë 6-7 vite që njihen por fillimisht nuk ka dashur të krijojë lidhje me të pasi i është dukur antipatik. Me humor, modelja shqiptare ka thënë gjithashtu se nuk mund të tregojë më tepër për mos të bërë ‘figurë të keqe’.
“Njihemi që prej shumë vitesh (ndoshta 6/7) por më dukej antipatik dhe s’më pëlqente. Nuk dua të tregoj si jemi njohur për të mos bërë një figurë të keqe”, shkruan ajo.
Discussion about this post