Vllaznia u mposht në shtëpi nga Partizani dhe pas ndeshjes trajneri Mirel Josa foli në Oversport. “Nuk mund të themi që skuadra u mbrojt, u kënaq. Interpretuam një pjesë të parë të mirë. Edhe Partizani bëri lojën që meritoi të bënte. Patëm momente të mira në pjesën e parë, sidomos fitimi i dyluftimeve.
Nuk ishte problem lodhje. Partizani sulmoi që në pjesën e dytë. Ne nuk patëm mbështetjen e duhur për të dalë nga presioni i Partizanit, siç e humbëm në rastin e golit të dytë. Partizani ngulmoi, doli me 3 mbrojtës dhe 2 anësorë. Aty duhet të ishim më të kujdesshëm, në momentin që do të luhej topi në qendër”.
“Të gjitha ndeshjet janë të vështira. Kemi Kupën njëherë që ajo është e vështirë. Të mbarojmë Kupën dhe më pas të mendojmë për Laçin. Unë i shikoj të gjitha ndeshje të vështira. Nuk ka ndeshje të lehta për mua. Duhet të përqendrohemi te gabimet që bëmë sot, sepse sot bëmë shumë gabime”.
Discussion about this post