Mirel Josa ka folur pas barazimit pa gola kundër Tiranës. Trajneri i Vllaznisë foli për mikrofonin e Oversport ku u shpreh: “E kam thënë dhe herë tjetër. Skuadrat kanë formuar dhe një fizionomi loje. S’mund të bësh ndryshe.
Duhet të kemi parasysh se Tirana është në krye të renditjes. Por, edhe mund ta pësonim ose ta shënonim. Rregulluam pak ekuilibrat e lojës në pjesën e dytë. Kishim rast për të shënuar, por edhe u rrezikuam për 30 sekonda.
Xhixha nuk ndiqte Gurishtën, por rrinte në pozicione sulmuese për të na kapur në befasi.
Nëse e keni parasysh kur po shënonim gol, Tirana për 30 sekonda na kapi në befasi. Duhet të ishim pak me fat, siç ishim me fat kur nuk shënoi në minutat e fundit. Tirana luajti ndryshe dhe Kukësi ndryshe. Unë jam i kënaqur me ritmin që pati loja. Skuadra u kthente në pozicionet mbrojtëse. Duke pasur një veçori me ndeshjen e parë, ne sot ishim shumë më të shpejtë në daljet përpara.
Vllaznia për titull? Unë nuk mund të vlerësoj as Partizanin, as Tiranën. Ata kanë hesapet e veta. Unë dua që skuadra të bëjë lojëra në rritje nga ndeshje në ndeshje. Për mua ishte e rëndësishme që skuadra të fitonte ndeshjen. Ne e goditëm Tiranën sepse dolëm në pozicione të rrezikshme. Tirana kishte 3 raste të pastra. Sa i përket potencialit të Vllaznisë për titullin kampion, është herët të flasim.
E rëndësishme që skuadra nuk humbi dhe tentoi të fitonte.
Ne nuk jemi një ekip me potencial kaq të madh sa të marrim 3 pikëshin. Edhe skuadrat e tjera luajnë futboll. Unë jam i kënaqur me këto rezultate në rritje, por edhe me lojën në rritje. Mua më kënaq më tepër gjendja fizike e skuadrës në krahasim me ndeshjet e tjera.
Krahët në sulm? Nëse mua më jep siguri loja e topit me Boshnjakun, që për mendimin tim s’duhet të luajë aq thellë, në mënyrë që të kalojë topin nga një krah në tjetrin. Unë ia kam bërë vërejtje. Do t’ia bëj sërish. Në momentet që Xhixha sulmonte, qendërmbrojtësi duhet të dilte për ta bllokuar.
Mungesa e sulmuesit? Latifi, dëmtimi i vazhdon. Ka nisur rikuperimin e tij. Është lojtar krahu. Unë kur kam qenë te Skënderbeu, kam punuar ta fus si qendërsulmues. Por, ka qenë i fiksuar për të qenë në krah. Ne kemi tipik qendërsulmues, Ardit Hoxhajn. Unë po punoj vetë me të. Unë doja të fusja Kainën si një lojtar tjetër që të ishte më i freskët. Ne te rastet dolëm. Problemi është që të jemi shumë më të qartë në ato momente. Mos ta marrim me mend se aty dalim në mënyrë improvizuese. Nëse sulmuesi bën lëvizjet e duhura, ai nuk duhet të lëvizë nga zona e rreptësisë kundërshtare. S’mund të themi që të gjitha rastet bëhen gola”, tha ai.
Discussion about this post