Ish-futbollisti gjerman, Dietmar Hamann, tashmë ekspert futbolli në TV, ka këshilluar Joshua Kimmich të largohet nga Bayern. Sipas tij, ka ardhur koha për një aventurë jashtë Gjermanie.
“Duhet t’i shohë të gjitha opsionet me kujdes. Nuk e di se kush ka interes për të aktualisht. E sigurt është se ai nuk do të rinovojë në Mynih për më pak para se lojtarët para tij”, ka deklaruar Hamann.
Ky i fundit u referohet dy lojtarëve, Alphonso Davies dhe Jamal Musiala, të cilët kanë rinovuar së fundmi me rritje të ndjeshme page. Madje, Musiala tashmë paguhet 25 mln euro bruto në vit, po aq sa Harry Kane.
“Kjo, me siguri, do të jetë kontrata e fundit e madhe për Kimmich. Ky është shansi i tij i fundit për të lëvizur jashtë. Unë e mora këtë hap kur isha 24 vjec. Eshtë eksperiencë e jashtëzakonshme”.
Discussion about this post