Jozefina Topalli është e bindur që Basha do të shkarkohet shumë shpejt. Përmes një interviste televizive ajo tha se, me humbjet që i ka sjellë ai ndër vite PD nuk mund të vazhdojë të drejtojë atë.
“Largimi, besoj do të ndodhë shumë shpejt, ai do të ikë. Në PD po ndodh lëvizje tektonike, Basha ka ikur, baza do ta nxjerrë jashtë.
Nuk mund të mbash vulën e PD pasi ke 5 humbje dhe dështime njëra pas tjetrës, pasi ke tradhtuar çdo kauzë të demokratëve dhe pasi e gjithë baza është ngritur kundër tij, duke e lënë të izoluar në godinën e mermertë ku nuk guxon të dalë as te shkallët, nuk guxon të marrë asnjë pyetje, nuk guxon të dalë në studio televizive pavarësisht se e ftojnë”, u shpreh ajo.
Sipas Topalli, Basha nuk ka më askënd që ë mbështet dhe që beson tek ai.
