Melisa Lleshi dhe Andi Shehu nisën një romancë pas largimit të tyre nga emisioni i dashurisë, “Për’puthen”. Ata madje nisën bashkëjetesën dhe në rrjetet e tyre sociale nuk mungonin dedikimet e shumta të dashurisë.
Por lidhja e tyre pati mjaft ulje dhe ngritje derisa bënë të ditur për fansat se ishin ndarë, duke vazhduar jetën në drejtime të ndryshme.
Melisa ka qenë e ftuar në emisionin “Pardon my french”, ku ka treguar se nuk beson te martesa, ndaj vetë nuk do të martohet kurrë.
E pyetur nëse ‘nuk do të bëjë celebrim’, ajo u shpreh se dëshiron që të qëndrojë beqare gjatë gjithë jetës së saj.
“Unë nuk do martohem kurrë. Ju betohem e kam seriozisht nuk besoj shumë te martesa. Më duket thjeshtë një letër që duhet të firmosësh edhe kaq, por ajo letra shumë shpejt mund të… Më pëlqen të rri beqare gjatë gjithë jetës”, tha Melisa.
Nga ana tjetër, duket se Andi ka plane të tjera pasi pak ditë më parë ai ndau me ndjekësit një foto në “Instastory”, ku shfaqej krah partneres dhe shkruante:
“Më i lumtur se kurrë”.
Discussion about this post