Deputeti demokrat Tomor Alizoti, e ka cilësuar mungesën e debatit mbi programin qeverisës si një ndër rastet më të rënda për demokracinë shqiptare që prej viteve ’90. Gjatë fjalës së tij në Kuvend, Alizoti u shpreh se kudo në botë e majta është më të dobëtin, ndërsa këtu është me horrin dhe me oligarkun. Sipas tij, mbyllja e debatit përfaqëson një kthim pas në standardet demokratike dhe dëmton jo vetëm opozitën, por vetë qeverinë dhe procesin e integrimit në BE.
“Mesa di unë, është rasti i parë në 30 vjet që nuk ka debat në një program. Dhe arritja jonë më e madhe si komb apo si Shqipëri post Staliniste apo post mauriste, ishte debati.
Ribëjeni debatin. Debati është pika më kryesore që është në interesin madhor të vetë qeverisë që ka plane madhore. Integrimin në BE. Ejani të diskutojmë, pse e shmangni. Është shumë i rëndësishëm për ne si qytetarë dhe për ata që na shohin.
E kam lexuar programin dhe kam parë shumë pak fjalë për shpopullimin. Po kam parë aspak fjalë për Kosovën dhe ju dëgjoj shpesh të thoni gjëra që nuk qëndrojnë.
Demokracia jeton nga debati. Rikthejeni seancën e parë e cila që nga koha e Adil Çarçanit ka qenë shtylla e parlamentit shqiptar dhe esenca e demokracisë shqiptare. Kthejeni ta diskutojmë. Sipas studiuesve, demokracia jeton nga lajmi i keq. Jeton nga kritika. E degjoni dhe kritikën tonë. Mund të jetë e pavend por dëgjoheni. Si thoni ju që jemi shumë pranë BE, por jemi shumë larg praktikumit të demokracisë. Demokracia jeton nga fjala dhe opozita ka fjalën. Nuk mund të mbyllet një seancë për një reagim emocional të shumë deputetëve sepse seanca i përket shoqërisë, fermerëve, qytetarëve, ekonomisë…
Një pyetje retorike. Ku qëndron e majta juaj? I majti europian qëndron me të dobëtin ju jeni me horrin, me të fortin e lagjes, me oligarkun. Nuk pashë asnjë fjalë për Kosovën, kur ajo është dhimbje. Dhimbja e saj u kthye në diçka botërore, dhe Kuvendi i Shqipërisë sot e ka problem të miratojë një rezolutë për gjenocidin atje, ky është turp për publikun. Ju i vidhni ilaçet fëmijëve dhe të sëmurëve me kancer. Ku qëndron e majta juaj?”, tha ai.
Discussion about this post