Një ditë pas Kuvendit Kombëtar të thirrur për shkarkimin e Lulzim Bashës dhe rithemelimin e PD, ish-kryeministri Sali Berisha paralajmëron hyrjen në selinë blu.
Përmes një postimi në Facebook, Berisha i shpreh mirënjohjen delegatëve për pjesëmarrjen në Kuvend dhe besimin tek ai, ndërsa shkruan se i pret në shtëpinë e kontributeve, duke nënkuptuar selinë e PD-së.
“Megjithatë, ne të gjithë sëbashku, delegatë dhe militantë u dhamë përgjigjen më dinjitoze, më të bukur dhe më madhështore dje nëpërmjet mbledhjes historike të Kuvendit Kombëtar të Rithemelimit të Partisë Demokratike thirrur nga delegatët. Sot nuk është me koha e dyshimit, sot është koha e veprimit. Ju pres të gjithëve në shtëpinë e kontributeve, sakrificave dhe idealeve tona të përbashkëta, Partinë Demokratike, për të vazhduar betejën kundër të keqes që ka mbërthyer Shqipërinë tonë të dashur”, shkruan Berisha.
Pasi Kuvendi i Berishës e shkarkoi, Lulzim Basha ka marrë masat e parë duke njoftuar mbledhje e Këshillit Kombëtar pasditen e sotme dhe paralajmëruar shkarkimin e anëtarëve që ishin të pranishëm në atë takim.
Discussion about this post