Kërciti në Milot mbrëmë sërish. Një Sinaloa e vërtetë, rrotë më rrotë me Medelinin e atëhershëm! Ky shtet meriton këtë popull, sepse ky popull meriton këtë “gojore” që pashai i ngjyrave ekzotike të xhaketave e transferoi deri në Parlament! Plumba, vrasje, trauma, djegie, bomba, kanosje, shantazhe e mitmarrje nën kërcënimin e plumbit! Rrofsh o Gledis! Të lumtë fundshpina! Garantuesi kryesor dhe maksimal i sigurisë së deleve (popull) që votojnë sa herë i thërret Byroja. Në anën tjetër Rama nuk zgjedh Lacin të mbledhë kryebashkiakët, por Pogradecin! Shkoje në Laç o zotëri! Sepse kishe edhe dekor.
Në anën tjetër major Gledisi lëshon atë deklaratën e përhershme dhe fikson serish në ditarin e tij dhe të Ramës “hëngshin kokat”, një tjetër vrasje. Shteti apo më saktë policia është tërësisht e gjunjëzuar përpara hesapeve të tilla që prodhojnë një terror në atë masë njerëzish që duan të jetojnë, atë mut jete sa edhe i është servirur. Pashai i Surrelit nuk e qeth.
Pasi ka hapur një tjetër foltore debati e helmi, me fletërrufenë e dytë, mjeshtri e do makiaton në liqen. Gledisin e ka lëshuar të mbledhë provat e asgjësë në makinën e djegur afër Krujës. Urata e popullit për këtë shtet nuk shteron. Rrofsh e qofsh Gledis djali! Plastelinë e bëre këtë milet! Ju ruajt zoti o milet e shikoni mirë se ku pini kafenë. Nëse nuhatja nuk ju ka lënë ende, paguani pa ardhur ende porosia e largohuni në mënyrë që fëmijët tuaj të mos rriten jetimë. Natyrisht na i mbron inspirimi ynë, sulltani i madhërishëm, po gjithsesi bëni tuajën, ruani veten! Hidhini një sy këto kohë vere edhe serialeve të Escobar e Narcos! Jemi skenarët realë të atij Casti..!
Discussion about this post