Kryeministri Edi Rama ndodhet në Derviçan, ku ka pritur për vizitë homologun e tij grek Kyriakos Mitsotakis. Rama e nisi fjalimin e tij në gjuhën greke, duke thënë se duhet të vinin pas Samitit, por takimi u shty për shkak të motit të keq. Sipas kryeministrit, dita e sotme përkonte dhe me vigjiljen e Krishtlindjes.
“Kalimera, jasas…Ju kisha premtuar që do ta sillja këtu të birin e të atit dhe ja ku e keni. Dhe është vërtetë prekëse edhe për mua që nuk jam pjesë e minoritetit që të jem këtu pas thuajse 30 vitesh që i pari dhe i fundit kryeministër i Greqisë ndaloi për të përshëndetur vëllezërit dhe motrat në minoritet, i ndjeri babai i kryeministrit aktual, që me shumë kënaqësi e ka pritur këtë ftesë.
Duhet të vinim të nesërmen e datës 6, pas samitit të BE-së në Tiranë, por moti ishte jashtëzakonisht i keq dhe u detyruam që ta shtyjmë. Kështu gjetëm një ditë të bukur për të ardhur ktu, në vigjilje të Krishtlindjeve.
Dua t’ju falenderoj të gjithëve dhe kryetarin e bashkisë që ka siguruar bashkë me ju, nuk e di si e keni realizuar që të jetë ky diell kaq i bukur, por me siguri me lutje dhe me lule. Natyrisht kjo është e gjitha për kryeministrin por unë nuk kam pse të mos përfitoj dhe të shijoj këtë pamje, të gjithë të mbledhur në shesh”, deklaroi Rama.
Discussion about this post