“Ju të gjithë do të vdisni”/ I riu qëllon me armë në një shkollë në SHBA, 3 të vdekur

Të paktën tre persona u vranë, duke përfshirë edhe agresorin  e dyshuar dhe shtatë të tjerë u plagosën në një të shtëna të hënën në një shkollë të mesme në St. Louis, Missouri. Një grua përfundoi në spital dhe një adoleshente u vra brenda shkollës, të dyja nga të shtënat me armë.

I dyshuari, ende nuk është identifikuar, por besohet se është rreth të 20-ave, u qëllua brenda shkollës dhe u shpall i vdekur në spital.

David Uilliams, një mësues matematike në shkollë, dëgjoi të shtëna të shumta jashtë klasës së tij dhe një nga dritaret në derën e klasës ku ai po jepte mësim u thye nga një plumb. Më pas ai dëgjoi një burrë të thoshte, “ju të gjithë do të vdisni”.