Ish-kryeministri Sali Berisha ka deklaruar sipas tij se e preferuara e socialistëve për postin e Presidentes pas largimit të Ilir Metës, është Vali Bizhga.
Nga selia blu, Berisha tha se në procedurën me zarfe ku socialistët kanë propozuar tre emra për kandidatë, emri i Vali Bizhgës ka marrë shumicën dërrmuese të votave, megjithëse nuk ka asnjë deklaratë për konfirmim nga socialistët.
“Procesi i zgjedhjes së presidentit është çështje e rëndësishme. Nëse javën e kaluar, këtu u fol me fakte të pakundërshtueshme se Kongresi i PS ishe i ngjashëm me atë të Cosa Nostras, unë mund t’ju them se procesi i zgjedhjes së presidentit po kalon në një proces tipik të Cosa Nostras, me Edi Ramën. Ai ka zgjedhur procedurën më mafioze me emrat në zarfat sekretë, po cili ka dalë emri më i përfolur. Jua them unë, sipas statistikave të Vali Bizhgës i kanë shkuar 2/3 e votave”, tha Berisha.
Vali Bizhga është Drejtore e Kabinetit të Kryeministrit Edi Rama, prandaj nuk do të ishte e habitshme që ajo të zgjidhej Presidente dhe socialistët të kishin nën kontroll të vetmin institucion që i bënte opozitë.
Discussion about this post