Kryeministri Edi Rama vijon të propagandojë në rrjetet sociale për një sezon turizmi të suksesshëm, pavarësisht se pronarët e hoteleve dhe bizneseve të shërbimeve në jug, kanë filluar nga ankesat përsa i përket numrit të turistëve.
Këtë herë kreu i Qeverisë, nuk shkruan më për turistët grekë, të cilët sipas tij kanë hequr dorë nga vendi i tyre për të pushuar në Shqipëri por për banorë të një shteti ishullor Europian, të cilët sipas tij kanë shtuar vizitat në vendin tonë. Bëhet fjalë për Britaninë e Madhe.
Përmes një postimi në Facebook, ai thotë se nga 36 mijë turistë britanikë deri në korrikun e vitit të kaluar 90 mijë kanë qenë vizitorët nga Britania në Shqipëri gjatë 7 muajt e fundit.
Madje, ai ka ndarë edhe një shkrim që prestigjozja “The Times” ka publikuar për turizmin në vendin tonë.
“Nga 36 mijë turistë britanikë deri në korrikun e vitit të kaluar 90 mijë kanë qenë vizitorët nga Britania e Madhe në Shqipëri këta shtatë muaj, falë edhe shtimit të konsiderueshëm edhe të udhëtimeve me linja direkte
E mirënjohura britanike “The Times” ia dedikon Shqipërisë këtë artikull, me përshkrimin e plazheve, ushqimit dhe qyteteve në UNESCO, që promovohen çdo ditë në rrjetet sociale duke përhapur fjalën e mirë që përkthehet në më shumë turistë, të ardhura, ekonomi”, ka shkruar Rama.
Discussion about this post