Pamjet e dhunës së Policisë Bashkiake ndaj tregtarëve ambulantë kanë ngjallur një valë të egër reagimesh në rrjetet sociale.
Disa kërkojnë shkarkimin e drejtorit Ermal Kapllanaj, të tjerë të Veliajt, dhe më kritikët duan shkrirjen totale të Policisë Bashkiake si organ varësie i Bashkisë Tiranë.
Në mes të kësaj polemike të ashpër, një batutë e Julian Dedës, aktor humori por edhe aktivist i angazhuar në një sërë kauzash qytetare, ka bërë xhiron e rrjetit.
“Pashë në ëndërr sikur isha polic bashkiak dhe rastësisht pashë Erionin në trotuar duke shitur fiq. E imagjinoni vetë ça i kam bërë gjithë natën”,-shkroi Deda në rrjetet sociale, batutë që ka shkaktuar hilaritet. Jo pa shkak, por edhe përputhja e historisë së kryebashkiakut që deklaron se ka shitur fiq në rininë e tij…
