Julia Tymoshenko apel aleatëve: Mbyllni hapësirën ajrore mbi Ukrainë

Ish-kryeministrja e Ukrainës Julia Tymoshenko u ka bërë ditën e sotme thirrje aleatëve të vendit që të “mbyllin qiellin”.

Ajo bëri me dije gjatë një interviste në BBC se Ukraina “vlerësoi sanksionet e ashpra” të vendosura ndaj Rusisë që nga fillimi i pushtimit, por raportoi se Ukraina kërkon “ndihmë serioze” të mëtejshme.

“Ajo ndihmë është duke mbyllur qiellin mbi Ukrainë,” tha ajo.

Kur u pyet nëse ishte dakord që kërkesa nga NATO për të vendosur një zonë ndalim-fluturimi mbi Ukrainë mund të përshkallëzonte situatën, siç kanë argumentuar fuqitë e NATO-s, ajo u shpreh se “nuk ka nevojë të marrë lejen e NATO-s” dhe këmbënguli se kjo mund të bëhet përmes koalicioneve të vendeve  përreth Ukrainës.

Së fundmi, ajo gjithashtu kërkoi që trupat paqeruajtëse të Këshillit të Sigurimit të OKB-së të dërgohen në Ukrainë dhe të vihen në dispozicion sistemet më të fundit kundërajrore.