Juliana dhe Dion flasin për “Dancing”: Ja kush duam që ta fitojë…

Konkurrentja e “Dancing With The Stars”, Juliana Nura së bashku me partnerin e saj të kërcimit, Dion, ishin një ditë më parë të ftuar në emisionin “Ndryshe”, Top Albania Radio.

Gjatë kësaj interviste, ata folën në lidhje me rrugëtimin e tyre në spektaklin më të madh të kërcimit.

Të pyetur se nëse ata do të kishin mundësinë të ndërronin partnerët e kërcimit në këtë kompeticion, Dion zgjodhi Arnitën ndërsa Juliana zgjodhi Luixhinon. Kjo për vetë faktin se Juliana shprehet se Dion është pak i rreptë me të gjatë provave.

Ndërkohë e pyetur cilin çift do donte Juliana që mos ta fitonte DWTS, ajo tha:

“Ka shumë. Asnjë tjetër përveç meje dhe Dionit. Unë nuk kam probleme me Arnitën, thjesht po thoja që nuk dua ta fitojë njeri tjetër përveç meje e Dionit. Kaq, është shumë e thjeshtë. Nuk kam frikë ta them”.

Duke qenë se për Dion ky është edicioni i gjashtë për të në një format të tillë, ai është shprehur se më problematikja ka qenë Genta Ismajli, përsa i përket orareve. Ndërsa, më e mira në kërcim për të ka qenë Lori Hoxha, ku me të cilën ka fituar edhe një edicion të “Dancing With The Stars”.