Tenderët pa garë janë kthyer në veprim të zakonshëm për bashkitë e vendit. Këtë gjë ka bërë edhe Bashkia Dimal në një tender të bërë në tetor të këtij viti.
Pas ndërrimit të emrit nga Ura Vajgurore në Dimal, Bashkia ka në plan edhe ndwrtimin e njw godine tw re, ku për këtë ka hapur një tender për studimin e projektit.
Tenderi i cili është bërë në datën 27 tetor 2021, mban numrin e referencës REF-09549-10-26-2021, dhe ka fondin limit 2.500.000 lekë pa TVSH, ose 25 milionë lekë të vjetra. Në këtë tender ka marrë pjesë vetëm kompania “ARKONSTUDIO SHPK & 4 KPPF sh.p.k”, duke u shpallur kështu edhe fituese e këtij tenderi.
Pra, nuk është respektuar rregulli i garës dhe konkurrencës, duke hedhur dyshime se ky tender është një dhuratë që po i bën kryetarja e Bashkisë Dimal, Juliana Memaj, kompanisë në fjalë. Për këtë “Open Data” ka ngritur edhe flamurin e kuq në këtë tender, me mbishkrimin e mungesës së konkurrencës.
Ky është një rast tjetër ku institucionet e vendit nuk respektojnë ligjin dhe që ngrejnë dyshime për korrupsion. Siç duket, Memaj dëshiron të përvetësojë taktikën e Veliajt, të Bashkisë Tiranë, që lekët e taksave të qytetarëve t’i çojë tek kompanitë e miqve të saj.
Gijotina.com
Discussion about this post