Juristi dhe njëkohësisht përfaqësues i PD, Skerdjan Dhuli e cilëson procesin ndaj ish-deputetit demokrat Ervin Salianji, si të mbrapshtë.
Që në nisje të tij ka qenë i tillë, theksoi Dhuli pasi wshtw njw absurditet qw edhe denoncuesi Salianji shkoi në burg, sikurse edhe i denoncuari, vëllai i Fatmir Xhafajt, Agron Geron Xhafaj.
Ky paradoks, sipas Dhulit nuk qëndron, ndërsa u shpreh se Gjykata e Lartë ka mundësinë për ta liruar nga burgu ish-ligjvënësin demokrat, Ervin Salianji, për shkak se sipas tij, është rasti ‘sui generis’ ku Gjykata jep vendim, më shumë nga sa ka kërkuar Prokuroria.
Por sipas Dhulit, është në interesin e Ramës që Salianji të qëndrojë në burg, pasi I druhet fitores së 7 mandateve në qarkun e Elbasanit në favor të PD.
“Që kur ka nisur, ka nisur mbrapsht. Edhe denoncuesi shkoi në burg dhe i denoncuari. Është jo thjesht politike, është mafioze-politike. Një deputet i PD, bën një denoncim nga selia e partisë dhe vjen një ditë që ky deputet përfundon në burg se tha një të vërtete. Dhe i denoncuari pak orë nga denoncimi shkon në burg. Kjo nuk qëndron. Fakti që Rama investoi vetë për këtë çështje, për të na bindur se autori i gjithë kësaj sage gjyqësore, ideatori, iniciatori është Rama. Gjykata ka mundësi lirimi. Është paradoks, se prokurori ka kërkuar më pak burg sa ka dhënë gjykata. Gjykata është më tolerante se prokuroria. Salianji është ‘sui generis’, që shkon më tej se prokuroria. Këta e kanë pasur me Elbasanin e jo Salianjin. Ai do dilte me rezultat spektakolar. Nëse del nga burgu sot e shkon sërish në Elbasan, del me rezultat rekord. Ai fiton 7 deputetë. Ky është halli i Ramës, e ka problemin me fitoren e Salianjit në terren’”, theksoi Dhuli.
Lidhur me rastin e Veliajt, Dhuli tha se Rama hoqi një barrë të madhe nga vetja, pasi klani i kryebashkiakut në Tiranë kishte zaptuar gjithë institucionin vendor më të madh.
Sipas tij, Veliaj, është i vetmi zyrtar i lartë në Shqipëri, që është arrestuar në zyrë.
‘Rama është liruar nga një barrë e madhe për Veliajn. Qëndron Rama pas. Në mos autor, së paku është përfitues.Veliaj ishte kosto e lartë për të. Jo pa dyshim Rama e ndryshoi kursin, i interesonte klani i Veliajt në Bashkinë e Tiranës. PS e Tiranës është gjithë bashkia. Rama erdhi në Tiranë, se mund të mbajë të bashkuar brenda PS, klanin e Veliajt. Ndaj e ndryshoi kursin ndaj SPAK. Po Aurel Zarka, në Vlorë që inskenoi dosjen ndaj Fredi Belerit. Rama ka shpëtuar nga Veliaj. Reagimi i tij ishte për të marë PS të bashkuar. Salianji është denocnues i krimit e korrupsionit, Veliaj është hajdut. I vetmi zyrtar i arrestuar në zyrë, Veliaj, në vendim e krimit. Është një person që mund t’i shpartallojë provat, jo vetëm t’i shkatërrojë. Prokuroria do jetë shumë e kujdesshme që Veliaj të mos shkojë më në atë zyrë. Duhet që dikush ta shkarkojë’, u shpreh Dhuli.
Gjykata e Lartë do të marrë sot vendimin për ish-deputetin demokrat Ervin Salianji, i cili kundërshtoi vendimin e datës 18 dhjetor 2019 të Gjykatës Penale që vendosi për ish deputetin 1 vit burg.
Discussion about this post