Raffaele Palladino ka rinovuar kontratën me Monza. Trajneri napolitan, arkitekti i shpëtimit të bardhekuqve, në fakt ka zgjatur kontratën deri në 30 qershor 2024. Këtë e ka bërë të ditur vetë klubi në pronësi të Silvio Berlusconit, pikërisht në prag të ndeshjes ndaj Atalantës:
“AC Monza njofton se Raffaele Palladino ka zgjatur kontratën e tij deri më 30 qershor 2024. Në sezonin e tij të parë në Serie A Palladino udhëhoqi brianzolët në një kampionat të jashtëzakonshëm, duke siguruar mbijetesën që gjashtë ndeshje para fundit. Fat i mirë për Raffaele dhe gjithë stafin e tij për sezonin e ri!”.
Nënshkrimi i trajnerit surprizë të sezonit (i cili gjithashtu përfundoi në syrin e Napolit dhe Juventusit) mbërrin pak ditë përpara asaj që deklaroi ditët e fundit Galliani: “Rinnovimi? Të mbarojmë sezonin dhe pastaj, kam besim te trajneri”, tha menaxheri i klubit bardhekuq.
Për sezonin që po përfundon shtoi: “Monza ishte shumë emocionues këtë sezon. Ishte e pamundur të mendohej të shkoja në Serie A, të qëndronte atje dhe të mundja skuadra si Interi dhe Juventusi.”
Discussion about this post