Komisioni i Apelit pranë Federatës Italiane të Futbollit ka marrë një vendim që padyshim do të tronditë futbollin italian sa i përket përfshirjes së Juventusit në çështjen e plusvalencave për të përmirësuar bilancet financiare, duke dënuar klubin më të titulluar në Itali, me plot 15 heqje pikësh nga klasifikimi aktual.
Apeli ka dënuar me 2 vite e gjysmë Paratiçin, 2 vite Anjelin dhe Arrivabenen, 1 vit e 4 muaj Kerubinin dhe 8 muaj Nedved. Tani pritet që Juventus të apelojë këtë vendim, duke iu drejtuar Kolegjit në Komitetin Olimpik Italian.
Gjithashtu vlen të theksohet që Komisioni i Apelit do t’i kërkojë UEFA-s dhe FIFA-s që t’i njohë këto vendime edhe jashtë Italisë.
Discussion about this post