Këtë të dielë janë luajtur edhe takimet e radhës të javës së parë të Kampionatit Italian të Futbollit, një nga kampionatet më të dashura për publikun futbolldashës shqiptar.
Një nga skuadrat më të njohura të Apenineve, ka lënë pas, periudhën e errët, të kaluar në salat e gjyqeve duke treguar muskujt, që në debutimin sezonal
Fitore e pastër e Juventusit në javën e parë të Serisë A. Bardhezinjtë mposhtën thellë 0-3 Udinesen, duke e vulosur suksesin që në pjesën e parë me golat e Chiesas, Vlahovicit dhe Rabiot.
Juventusit i mjaftuan më pak se dy minuta lojë për të zhbllokuat sfidën me Udinesen në Friuli. Një gabim në qarkullimin e topit në fazën mbrojtës i kushton rëndë skuadrës vendëse: topin shkon në këmbët e Chiesas, që godet fuqishëm, rrafsh me tokën, nga jashtë zonës, duke tundur rrjetën, 1-0.
Bardhezinjtë thelluan epërsinë me Vlahovic në minutën e 20-të, falë një penalltie të akorduar për prekje të topit me dorë, 0-2.
Juventusi mbylli llogaritë me Udinesen që në fundin e pjesës së me parë, kur Rabiot realizoi golin e tretë.
Në pjesën e dytë nuk pati histori, me Juventusin që siguroi tre pikët e para, në një sezon që e sheh “La Vecchia Signora” jashtë kupave europiane.
Discussion about this post