Ne kemi folur për këtë gjë që nga ai 25 tetor ogurzi, në të cilin humbja 4-3 nga Benfica shënoi eliminimin e Juventusit nga Champions League, megjithëse zyrtarizimi i hyrjes në Europa League mbërriti vetëm një javë më pas në fund të fazës së parë, ku “Zonjës së Vjetër” ju nevojit humbja e Makabi Haifa ndaj Benficas për të mbajtur pozitën e tretë në grup, si rrjedhojë e golavarazhit mes izraelitëve dhe italianëve.
Padyshim turne i nivelit të dytë pas dhjetë vitesh në kompeticionin më të rëndësishëm europian, duke arritur dy herë në finale. Por pikërisht Europa League, udhëtimi i së cilës fillon të enjten kundër Nantes në ndeshjen e parë të play-off-it që jep akses në raundin e 1/8, ndoshta përfaqëson mënyrën më të rëndësishme për Juventusin për t’i dhënë kuptim sezonit, për më shumë se një arsyeje.
Tashmë në kohën e eliminimit në Champions League, shumë kohë para penalizimit, Europa League ishte bërë për Juventusin mënyra për t’i dhënë kuptim sezonit, nga pikëpamja sportive. Tani jashtë kupës më të rëndësishme, objektivi Scudetto është tashmë vitedritë larg aq më tepër sot: skuadra e Allegrit ka gjetur rrugën e fitoreve në fortë në Serinë A, por Napoli tashmë përveç se i pandalshëm tani është i paarritshëm.
E vetmja mënyrë që Juventus ta mbyllë sezonin me një trofe është përmes kupave: është edhe kupa e Italisë, për të mos u neglizhuar, por Europa League, përveçse një fazë tjetër, do t’i lejonte ata të gjenin përsëri atë sukses europian që Juves i mungon që nga Championsi i fituar ndaj Ajaxit në vitin 1996.
Discussion about this post