Juventusi mundi 2-1 skuadren e Atalantes ne finalen e kupes se Italise.Kulusevski dhe Kieza ishin autorët e golave në këtë sukses të bardhezinjve, teksa për bergamaskët golin e vetëm e realizoi Malinovski.
Ky ishte trofeu i parë për këtë sezon i “Zonjës së Vjetër”, që e dominoi takimin e sotëm, kryesisht pjesën e dytë, ku zikalërit e Gasperinit prodhuan shumë pak aksione të rrezikshme.
Pas një sezoni zhgënjyes, Kupa ishte mënyra e vetme që bardhezinjtë të mos e mbyllnin pa trofe dhe ia dolën të triumfojnë në një 90-minutësh shumë spektakolar dhe të luftuar në çdo cep të fushës. Finalja e fundit e sezonit për bardhezinjtë është pikërisht të dielën ndaj Bolognës, ku do të duhet të fitojnë dhe të shpresojnë që Atalanta t’u bëjë një nder duke ndalur Milanin, për të marrë një vend në zonën Champions.
Vlen të theksohet se ky ishte trofeu i dytë për Andrea Pirlon në harkun e pak muajve, ndonëse është në vitin e tij të parë si trajner, më herët ai arriti të fitonte Superkupën. 42-vjeçari u bë trajneri i katërt i Juves që ngre Kupën e Italisë si futbollist ashtu edhe si trajner, pas Montit, Parolas dhe Zofit.
